номаҳо
«Китоби сол» эълон ва «Фарҳанги тафсирии забони тоҷикӣ» ғолиби он дониста шавад
2 сентябри соли равон дар рӯзномаи «Ҷумҳурият» навиштаи Абдулқодири Раҳимро бо номи «Сарчашмаи дониш набояд хушку дур аз назар бошад» мутолиа кардам. ӯ пешниҳод намудааст, ки «дар ин рӯз (4 сентябр –Рӯзи китоб –Б.А) ҳамчунин «Китоби сол» эълон ва муаллифи он бо маблағи калони пулӣ қадр гардад». Воқеан, ин пешниҳод бисёр муҳим аст.
Умед мебандем, ки он аз ҷониби масъулон ҳар чи зудтар дастгирӣ меёбад ва дар пайи амалӣ шуданаш бо масъулияти хоси касбию ватандорӣ камари ҳиммат мебанданд.
Ҳамчун як шаҳрванд ва хонанда вобаста ба ин масъала пешниҳод менамоям, ки китоби соли 2008 «Фарҳанги тафсирии забони тоҷикӣ» (2 ҷилд, 120 ҷузъи чопӣ, беш аз 80 ҳазор калима) бошад. Мо ба чунин як луғатномаи мӯътабар чандин сол боз ниёз доштем. Ифтихор аз он мекунем, ки фарҳанги мазкур мавриди истифодаи мардумони Эрону Афғонистон, форсизабонони Ҳиндустон, Покистон, ӯзбекистон, Қирғизистон, Қазоқистон, шарқшиносони тамоми ҷаҳон низ қарор мегирад.
Бовар дорам, ки иҷрои пешниҳодҳо ба рушду такомули соҳаи нашр ва пешрафти корҳои эҷодии адибон, олимон, мутахассисон мусоидат мекунад.
Баҳром АЙНИДДИНОВ, шаҳри Қӯрғонтеппа
Баёни ақида (0) Санаи нашр: №: Мутолиа карданд: 8361
