барқияҳо
Эмомалӣ Раҳмон
Александр Лукашенкоро табрик намуд
Президенти Ҷумҳурии Тоҷикистон Эмомалӣ Раҳмон 21 декабри соли равон бо Александр Лукашенко телефонӣ сӯҳбат карда, ӯро ба муносибати бори дигар ба мансаби олии Президенти Ҷумҳурии Белорус интихоб шуданаш самимона табрик намуд.
«Ғалабаи комили Шумо дар интихобот аз дастгирии сиёсате шаҳодат медиҳад, ки таҳти роҳбарии Шумо барои шукуфоӣ ва ободии Белоруси ба мо дӯст ва зиндагии шоистаи халқи мамлакататон равона карда шудааст», - гуфт Сарвари давлати Тоҷикистон.
Эмомалӣ Раҳмон қаблан ба ин муносибат ба унвони Александр Лукашенко барқияи шодбош фиристода буд. Дар он гуфта мешавад:
«Дар Тоҷикистон Шуморо ҳамчун ҷонибдори қотеи рушди ҳамаҷониба ва муттасили шарокату ҳамкории мамлакатҳоямон мешиносанд, ки муносибатҳои таърихии дӯстона доранд. Боварии комил дорам, ки ҳамкории серсоҳа ва доманадори Тоҷикистону Белорус ҷавобгӯӣ манфиатҳои куллии халқҳои мамлакатҳоямон буда, дар оянда соҳаҳои навро фаро гирифта, боз ҳам бештар вусъат пайдо мекунанд. Ин ҷониб тайёрам, ки барои ин ҳамроҳи Шумо тамоми тадбирҳои заруриро андешида ва амалӣ созам.
Ба Шумо, Александр Григоревичи мӯҳтарам, саломатии комил, хушбахтӣ ва дар фаъолияти минбаъдаатон комёбиҳои нав орзу менамоям».
Баёни ақида (0) Санаи нашр: №: Мутолиа карданд: 3780