номаҳо
Ҷаъфари Ҷалол: «Сурудҳои навамро сабт карда наметавонам»
Воқеан мусиқӣ баёни орзуҳо, хоҳишҳо ва дардҳои ногуфтанист. Ва ба ин хотир ман ба ин соҳа рӯ овардам. Сурудҳои бисёре эҷод кардаму туфайли симову садо онҳоро ба шунавандагон расонидам. «Номуси ватандорӣ», «Савганди ватандорӣ», «Ғурури ниёгон», «Ҳадафи миллӣ», «Парчами миллӣ», «Соҳибватан» аз сурудҳои шуниданӣ ва дӯстдоштанӣ шуданд. Шукр мекунам ва худро хушбахт меҳисобам, ки дар боло рафтани ҳисси худшиносии миллии насли наврас ва ҷавонон то ҷойе саҳм гирифтам. Аммо дар сабти ин сурудҳо аз нигоҳи иқтисодӣ хеле ранҷ бурдам. Пайдо кардани маблағ бароям осон набуд.
Алҳол панҷ суруди асили сабтнокарда дорам. Бисёр мехоҳам, ки ақаллан сетои онро бахшида ба ҷашни 20-солагии Истиқлоли давлатӣ сабт намоям. Онҳо бисёр муҳиманд. Вале набудани маблағ барои сабт монеа шудааст. Ин сурудҳоро ман бояд бо иштироки оркестр, ҳамсароён, яъне ҷалби санъаткорони зиёд, сароям, ки он ҳама, табиист, маблағ мехоҳад. Аз ин рӯ ба масъулон, соҳибкорону сарватмандони Ватандӯст муроҷиат мекунам, ки дар ин кор маро дастгирӣ намоянд.
Подоши некиатон ҳатман аз ҷойе ба шумо хоҳад расид.
Рақами телефони ман: 918-74-17-50.
Баёни ақида (0) Санаи нашр: №: Мутолиа карданд: 3983
