илм
Олимони академия 18 патенти ихтироот ба даст оварданд
- Дар соли 2010 раёсати Академияи илмҳои Ҷумҳурии Тоҷикистон 43 ҷаласа доир намуд, ки дар онҳо 140 қарор ва зиёда аз 200 амр барои фаъолияти илмӣ ва корҳои молиявиву хоҷагидорӣ қабул гардид ва 62 рисола, аз ҷумла 14 рисолаи докторӣ ва 48 рисолаи номзадӣ, дифоъ шуд,- гуфт Маҳмадшо Илолов, президенти Академияи илмҳои ҷумҳурӣ.
Кормандони академия беш аз 950 кори илмӣ, аз ҷумла 23 монография, 67 китоб, 9 маҷмӯи мақолаҳо, 4 китобча, 15 дастури таълимӣ, 2 китоб –албом ва беш аз 850 мақолаи илмӣ ва илмиву оммавӣ нашр намуданд. Аз ҷумлаи дастовардҳо 18 патент барои ихтироот мебошад. Ҷиҳати дар истеҳсолот ҷорӣ намудани дастовардҳои илмӣ, илмӣ-техникӣ ва технологияи нав академия бо Вазорати энергетика ва саноати ҷумҳурӣ созишнома ба имзо расонд.
Фарзонаи Файзалӣ
Баёни ақида (0) Санаи нашр: №: Мутолиа карданд: 5000
