номаҳо
Ном бояд
дуруст гуфта ва навишта шавад
Дар моддаи 7 лоиҳаи Қонуни Ҷумҳурии Тоҷикистон "Дар бораи масъулияти падару модар дар таълиму тарбияи фарзанд" омадааст: "-ба фарзанд тибқи арзишҳои миллӣ номи нек гузоранд". Албатта, ин ҷо маънои неки ном дар назар аст. Аммо ном бояд дуруст навишта шуда ҳам бошад. Мутаассифона, ҳатто номҳои баъзе аз роҳбароне, ки ба ин ё он вазифа таъйин мегарданд, аз ҷиҳати имло ғалатанд. Аз он дар тааҷҷубам, ки одамон ба вазифаҳои баланд расида метавонанду аз ӯҳдаи дуруст кардани номашон намебароянд. Дар ин сурат чӣ гуна намунаи ибрати дигарон шуда метавонанд? Дар номҳои шаҳрвандони мо афтидани баъзе аз ҳарфҳои онҳо, кӯтоҳкунии калима ҳангоми сабти асноди ҳолати шаҳрвандӣ бисёр дида мешавад.
Шояд ислоҳи номи нодуруст, аз ҷиҳати имло ғалат навишташуда дар идораҳои сабти асноди ҳолати шаҳрвандӣ вақту ташвиши зиёдро мехоҳанд, ки мардум барои он ҷо рафтан "ҷуръат" намекунанд.
Ман пешниҳод дорам, ки расмияти ивазкунӣ, ислоҳсозии ному насаб дар ин идораҳо хеле сода карда шавад, вақти зиёдро нагирад. Дар он сурат мардум барои дуруст намудани ному насаби нодуруст навишташудаи худ ба ин ҷой бештар меоянд.
Фирдавси Шералӣ,
ноҳияи Рашт
Баёни ақида (0) Санаи нашр: №: Мутолиа карданд: 3616
