номаҳо
Репсароён аз ҳад мегузаранд
Баъзе ҷавонони мо реп низ месароянд. Онҳо бар он андешаанд, ки дарди дилашонро бо ин навъи санъат баён намудан осон аст. Шояд. Ҳар кас ҳақиқати худро дорад. Дар репсароӣ чизи дигар маро нигарон кардааст. Репҳои онҳо матнҳои бесаводона тартибдодашуда доранд. Дар онҳо ҳатто суханҳои қабеҳро истифода мебаранд. Намунаеро аз репи тоҷикӣ меорам:
Душанбе тараққиёт ёфтастай, фактай,
Агар мислам бошӣ, значит дискам дар бартай,
Куҷое гар набошӣ, Масква, Америка-да,
Бидон, ки репи ҳақиқӣ астай Душанбе-да...
Гӯш кун, братан, ман туда мекушоям секрета,
Русия рафтанӣ бошӣ, даррон билета...
Ту фикр накун, ки, бародар, ман ягон натсистам,
Проста гапи росташа мегӯм, ман реалистам.
Аз овардани байтҳои фаҳш худдорӣ кардем.
Ин гуна репро ҳазорон ҷавонон, наврасон мешунаванд ва, албатта, он ба ахлоқашон таъсири манфӣ мегузорад. Чаро назорат аз болои матнҳои репсароён нест? Сухане, ки барои мардум пешниҳод мегардад, бояд ҳатман назорат шавад. Ва ин сухан лозим аст, ки созанда бошад, на сӯзанда.
Муҳаммадвосеъ САИДОВ,
шаҳри Душанбе
Баёни ақида (0) Санаи нашр: №: Мутолиа карданд: 3788
