барқияҳо
11 феврал Эмомалӣ Раҳмон, Президенти Ҷумҳурии Тоҷикистон, унвонии Маҳмуди Аҳмадинажод, Раиси Ҷумҳурии Исломии Эрон, барқияи табрикӣ ирсол намуд, ки дар он гуфта мешавад....
Ҷаноби Олӣ,
Шумо ва тамоми мардуми бародари Эронро бо фарорасии ҷашни миллӣ - сиюдуюмин солгарди Инқилоби исломӣ самимона табрику таҳният мегӯям.
Боиси қаноатмандӣ ва хушнудии мост, ки тӯли солҳои ахир, бар асари саъю кӯшишҳои ҳар ду ҷониб, муносибатҳои дӯстӣ ва ҳамкориҳои мутақобилан судманд сатҳи сифатан навро касб намуданд. Дар ин ҷода густариш ва таҳкими равобити дуҷониба ва чандҷониба дар арсаҳои бунёдӣ, қабл аз ҳама дар бахши иқтисодӣ, нақши бузург дорад ва хоҳад дошт.
Дар ин рӯзи фархунда ба Ҷаноби олӣ сиҳатии комил ва пирӯзиҳои ҷадид, ба мардуми дӯсти Эрон - саодат, амонӣ ва хонаободӣ таманно дорам.
Баёни ақида (0) Санаи нашр: №: Мутолиа карданд: 3778
