номаҳо
Падарон аз масъулият мегурезанд
Бо орзуву умедҳои зиёд ба нафақа баромадам. Пиндоштам, ки давлати пирӣ меронам. Имкони бештар барои сайру гашт, дидорбинии дӯстон ва фароғат пайдо мекунам. Аммо вазифаи наберабониро ба ӯҳдаам гузоштанд. Набера, албатта, ширин аст, вале падари ӯ набояд аз масъулияту ӯҳдадориҳояш худро канор бигирад.
Мисли ман чандин нафақагирон аз он шикоят мекунанд, ки фарзандонашон аз муҳоҷират дар 4-5 сол як маротиба ба дидорбинии кӯдаконашон меоянд. Изҳор медоранд, ки "пул кор карда натавонистанд". Бори масъулияти хӯронидану пӯшонидани кӯдакон ба дӯши модарон афтидааст. Чунин хулоса баровардем, ки онҳо, яъне падарон, аз масъулият мегурезанд. Ман бо дархости мӯйсафедон пешниҳод мекунам, ақаллан он падаронеро, ки кӯдакони то 7 -сола доранд, барои ба муҳоҷирати меҳнатӣ рафтан иҷозат надиҳанд.
С. БОЕВ, ноҳияи Бохтар
Баёни ақида (0) Санаи нашр: №: Мутолиа карданд: 3893
