президент
Тӯҳфаҳои арзанда ба мардуми тамаддунофар
19 май Эмомалӣ Раҳмон, Президенти Ҷумҳурии Тоҷикистон, бо масъулони Ҳукумати кишвар, Дастгоҳи иҷроияи Сарвари давлат ва роҳбарони вазорату идораҳои дахлдор доир ба омодагӣ ба таҷлили сазовори солгарди 20-умини Истиқлолияти давлатии Тоҷикистон машварати корӣ анҷом дод.
Дар машварат нахуст гузориши Руқия Қурбонова, муовини Сарвазири кишвар, шунида шуд. Аз ҷумла зикр гардид, ки корҳо барои ба анҷом расондани бунёди Китобхона ва Осорхонаи миллӣ, Нишон ва Парчами Тоҷикистон бо майдону гулгаштҳои назди онҳо ва ҳамчунин дигар иншооти сершумори ҷашнӣ бо суръат ва сифати баланд идома доранд.
Эмомалӣ Раҳмон, Сарвари давлат, таъкид намуд, ки ин иншоот бояд дар арафаи ҷашни солгарди 20-умини Истиқлолияти давлатии Тоҷикистон мавриди баҳрабардорӣ қарор гирифта, тӯҳфаҳои арзандаи давлату ҳуқумат ба мардуми тамаддунофари кишвар гарданд.
Тавре зикр гардид, ки Китобхона ва Осорхонаи миллии Тоҷикистон бо назардошти беҳтарин унсурҳои меъмории бостонию муосир ва тарҳи зебою дилкаш бунёд меёбанд.
Эмомалӣ Раҳмон, Сарвари давлат, дастур дод, ки рафти омодасозии кадрҳои соҳибтахассуси сатҳи замонавӣ, ки ҳоло дар дохил ва хориҷи кишвар барои кор дар Китобхонаю Осорхонаи миллии Тоҷикистон таҳсили илм менамоянд ва ҳамчунин ҷамъоварии китобҳои нодир таҳти назорати ҷиддӣ гирифта шавад.
Хотиррасон бояд намуд, ки хазинаи китобдории Китобхонаи миллии Тоҷикистон барои 10 миллион нусха китоб пешбинӣ шудааст.
Баёни ақида (0) Санаи нашр: №: Мутолиа карданд: 3666
