мулоқотҳо
Эмомалӣ Раҳмон Холид Усмон
Қайсарро ба ҳузур пазируфт
22 июн Эмомалӣ Раҳмон, Президенти Ҷумҳурии Тоҷикистон, Холид Усмон Қайсар - Сафири фавқулода ва мухтори Ҷумҳурии Исломии Покистон дар Тоҷикистонро бинобар сабаби анҷом ёфтани мӯҳлати фаъолияти дипломатиаш дар кишвари мо ба ҳузур пазируфт.
Дар мулоқот доир ба масоили кунунӣ ва дурнамои муносиботи Тоҷикистону Покистон гуфтугӯ сурат гирифт.
Эмомалӣ Раҳмон, Сарвари давлат, ба фаъолияти сесолаи Холид Усмон Қайсар ба ҳайси сафири Покистон дар Тоҷикистон баҳои баланд дода, изҳори боварӣ намуд, ки корҳои дар ин муддат оғозёфта ба анҷоми мантиқии худ расонда мешаванд.
Бо ишора ба имкону захираҳои фаровон ба густариши бесобиқаи ҳамкории судманди дуҷониба, аз ҷумла дар соҳаҳои иқтисод ва савдо, энергетика, саноат, нақлиёту коммуникатсия, кишоварзӣ, илму фарҳанг ва муборизаи муштарак бо хатару таҳдидҳои ҷаҳони муосир, изҳори боварӣ карда шуд.
Гуфтугӯи судманд ҳамчунин доир ба рушди ҳамкории минтақавӣ, аз ҷумла ҳамкории сеҷонибаи Тоҷикистону Покистону Афғонистон ва чорҷонибаи Тоҷикистон, Покистон, Афғонистон ва Русия, сурат гирифт. Изҳори боварӣ шуд, ки ҳамоиши сеюми сарони давлатҳои чоргонаи Душанбе - Тоҷикистон, Покистон, Афғонистон ва Русия, ки моҳи сентябри соли равон дар Тоҷикистон баргузор мегардад, ба ин раванд такони ҷиддӣ мебахшад.
Баёни ақида (0) Санаи нашр: №: Мутолиа карданд: 2086
