президент
Сарвари давлат машварати корӣ доир кард
1 июли соли 2011 Эмомалӣ Раҳмон, Президенти Ҷумҳурии Тоҷикистон, бо масъулони Ҳукумати кишвар, Дастгоҳи иҷроияи Сарвари давлат, роҳбарони як қатор вазорату идораҳо ва раиси вилояти Хатлон машварати корӣ доир намуд.
Дар машварат ахбори Ғайбулло Афзал, раиси вилояти Хатлон, доир ба нишондодҳои рушди иҷтимоию иқтисодии вилоят дар шашмоҳаи аввали соли равон, рафти иҷрои буҷети давлатӣ, ҷамъоварии ҳосили ғалладонагиҳо ва ба роҳ мондани кишти такрорӣ, корҳои ободонӣ, бунёдкорию созандагӣ ва ҳамчунин омодагӣ ба фаъол намудани Нерӯгоҳи барқи обии "Сангтӯда-2" шунида шуд.
Эмомалӣ Раҳмон, Сарвари давлат, ба роҳбарияти вилояти Хатлон доир ба таъмини рушди бонизоми иқтисодӣ, тезондани ҷамъоварии ҳосили ғалладонагиҳо, васеъ ба роҳ мондани кишти такрорӣ ва дигар корҳои номбурда супоришҳои мушаххас дод.
Дастуру ҳидоятҳо, ҳамчунин доир ба дигар масоили мавриди таваҷҷӯҳ дода шуд.
Баёни ақида (0) Санаи нашр: №: Мутолиа карданд: 3649
