номаҳо
Одамфурӯшӣ ҳам хиёнат ба давлат мебошад
Сол аз сол шумораи одамҷаллобон ва одамфурӯшон дар ҷаҳон меафзояд. Дар кишвари мо низ ин падидаи номатлуб вуҷуд дорад. Бо роҳи найрангу фиреб занону духтаронро ба кишварҳои хориҷӣ мебаранд ва гирифтори дом менамоянд. Бархе аз ин одамҷаллобону одамфурӯшон дастгир гардиданд ва ба онҳо расман ҷазо доданд.
Ҷойи таассуф аст, ки пас аз як муддати кӯтоҳ озод шуданду боз ин амали носавобро давом дода истодаанд.
Аз ин рӯ ман пешниҳод менамоям, ки ҷазои ин қабил одамони манфур ҳабси якумра бошад ва афв нагарданд. Охир ин амал як навъ хиёнат ба давлату миллат мебошад. Шояд дар сурати муқаррар гардидани ҷазои вазнин шумораи одамҷаллобону одамфурӯшон коҳиш ёбад.
З. САИДОВА,
шаҳри Конибодом
Баёни ақида (0) Санаи нашр: №: Мутолиа карданд: 4008
