номаҳо
Агар чанд тан аз сокинон ҷаримабандӣ мешуданд...
Бисёр мушоҳида кардаам, ки калонсолон дар берун офтобпараст мехӯранду пӯсти онро дар роҳҳо меандозанд. Дигар навъи коғазҳо, хоса коғазҳои конфету қуттии холишудаи яхмосро низ мепартоянд. Дар ин ҳол оё хурдсолон аз онҳо тарбияи дуруст гирифта метавонанд? Не. Ба ҷуз ин партофтани партовҳои хонаҳо вазифаи хурдсолон аст. Албатта, дар ин маврид баъзе кӯдакон партовҳоро дар қади роҳ мерезанд, на дар ҷойи зарурӣ. Ва ё онро то қуттии махсуси партовпартоӣ намебаранд. Аз ин рӯ гирду атрофи қуттиҳо пур аз партов мебошад.
Барои ин кор 35 сомонӣ ҷарима муқаррар гардидааст, вале ҷаримабандӣ мушоҳида намешавад. Агар чанд тан аз сокинон ҷаримабандӣ мешуданд, шояд ин амали номатлуб дар шаҳр коҳиш меёфт. Волидайн масъулият эҳсос менамуданду ба фарзандон дар ин маврид намунаи ибрат мегардиданд.
Сулҳияи РУСТАМ,
шаҳри Душанбе
Баёни ақида (0) Санаи нашр: №: Мутолиа карданд: 3990
