номаҳо
Бо пулҳои фарсуда чӣ бояд кард?
Асъори миллӣ яке аз рукнҳои муҳими давлати соҳибихтиёр аст. Шукри Худо, ки имрӯз аксари муомилоти дохили кишвар бо он амалӣ мешавад. Азбаски асъори мо тавассути бонкҳо пурра гардиш намекунад, миқдори пулҳои фарсуда зиёд гаштаанд. Мо ҳар гоҳ дар бозору мағозаҳо, нақлиёт ва ғайра шоҳиди баҳсу мунозираи харидору фурӯшанда ё ронанда мешавем, ки аз муомилоти пулҳои фарсуда бархостааст.
Аввалан айби худи мо шаҳрвандон аст, ки нисбат ба як рукни давлатамон беэҳтиромӣ мекунем, яъне пулҳои коғазиро маҷаку пачақ карда ба ҷайб мегузорем, дар рӯяш ҳар чи менависем ва ғайра. Баъдан сифати коғази пулҳои мо дар сатҳи пулҳои коғазии шӯравӣ нест. Шояд минбаъд асъорро дар коғази баландсифат чоп мекунанд.
Аммо ҳоло бо пулҳои фарсуда чӣ бояд кард? Ба фикрам, роҳи осони ҳалли ин мушкил дар ҷойҳои серодам - бозорҳо, растаҳои калони савдо, чорроҳа, фурудгоҳу истгоҳи қатор ва ғайра нуқтаҳои ивазкунии пулҳои фарсударо кушодан даркор аст. Бонки миллии кишварро лозим аст, ки ба чанд нуқтаи табдили асъор дар ҷойҳои номбурда, иҷозати ин амалро диҳад, то шаҳрвандон пулҳои фарсудаашонро иваз намоянд.
У. АБРОР,
шаҳри Душанбе
Баёни ақида (0) Санаи нашр: №: Мутолиа карданд: 4198
