мулоқотҳо
Эмомалӣ Раҳмон бо Серж Саргсян вохӯрд
3 сентябри соли 2011 дар мулоқоти Эмомалӣ Раҳмон, Президенти Ҷумҳурии Тоҷикистон, бо Серж Саргсян, Президенти Ҷумҳурии Арманистон, масъалаҳои ҳамкории судманди ду кишвар баррасӣ ёфтанд.
Аз заминаи мусоиди қарордодӣ-ҳуқуқии ҳамкории миёни ду кишвар, аз ҷумла Аҳдномаи дӯстӣ ва ҳамкорӣ ва ҳамчунин ҳамсонӣ ва ё наздикии мавқеъҳои ду давлат доир ба аксари масоили байналмилалӣ изҳори қаноатмандӣ шуд.
Фаъолияти бештари Комиссияи байниҳукуматии ҳамкории дуҷониба ва густариши робитаҳои иқтисодӣ-тиҷоратӣ ва илмию фарҳангӣ таъкид гашт.
Серж Саргсян иттилоъ дод, ки ба истиқболи солгарди 20 - уми Истиқлолияти давлатии Тоҷикистон барои Китобхонаи мӯҳташами миллии навбунёд дар шаҳри Душанбе шумораи зиёди китобҳои илмию таърихӣ, бадеӣ ва омӯзишӣ доир ба соҳаҳои гуногуни ҳаёти ҷомеа бо забонҳои арманӣ, русӣ ва англисӣ тӯҳфа овардааст.
Дар мулоқот ҳамчунин доир ба масоили муҳими минтақавию ҷаҳонӣ гуфтугӯ сурат гирифт.
Баёни ақида (0) Санаи нашр: 6.09.2011 №: № 130-131 (21 946-94 Мутолиа карданд: 1156
