номаҳо
Киштии ғарқшударо ба соҳили мурод баровард
Халқи тоҷик дар замони соҳибистиқлолии кишвар, яъне дар як муддати кӯтоҳ, тавонист ба пешравиҳои басо назаррас ноил гардад. Албатта, дар он саҳми шахсияти барӯманду баор ва фидоии Ватан Эмомалӣ Раҳмон, Президенти мамлакат, зиёд аст. Ӯ киштии ғарқшудаи миллатро аз гирдоби ҳаводиси хунин беосеб ба соҳили мурод баровард. Ва бо саъю кӯшишу ғайрати ин Сарвари хирадманд миллат имкон ёфт, ки дубора дар замини аҷдодии хеш бисабзаду ба бунёдкориву созандагиҳо рӯ биёрад.
Мо аз он шод гардидем, ки хидматҳову заҳматҳои Эмомалӣ Раҳмон бо санад ва нишони унвони олии фарҳангии сиёсии ҷомеаи Аврупо - Пешвои асри XXl қадр гардид.
Антон Караҷа - Президенти Шӯрои Аврупо оид ба робитаҳои байналмилалӣ дар маросими супурдани санад ва нишон изҳор дошт: "Дар ҷаҳони пуршебу фароз ва пуртазоди моломол аз тасвирҳои бешакл ва бемӯҳтаво, мо имрӯз ташриф овардем, то ба қадри Шахсият эҳтиром гузорем, дар дунёе, ки арзишҳои асили худро гум карда истодааст, мо ба ҳам омадем, то Арзишҳои воқеиро қадрдонӣ намоем, дар замоне, ки аксарият ҳарф зада амалкард надоранд, мо омадаем, то Амалҳоро қадр кунем, мо қадам ранҷа намудаем, то ки аз Президенти Тоҷикистон Ҷаноби Олӣ Эмомалӣ Раҳмон, ифтихор намоем". Ба эътирофи Антон Караҷа, тамаддун ва санъати тоҷик чун нигини мероси таърихи башарият шинохта ва давраи нави рушду нумӯъ дар таърихи кишвар таъмин карда шуд.
Ин, албатта, шаҳодати шукӯҳи тоҷикону маъруфияти Тоҷикистони азиз аст.
Мо низ бо чунин Сарвари хирадманд ифтихор мекунем ва бо эҳсоси масъулияти бештар таҳсил менамоем, то дар оянда чун мутахассиси асил дар пешрафту ободонии кишвар саҳми арзанда бигирем.
Муҳаммадвосеъ САИДОВ,
донишҷӯи факултаи забонҳои Осиё ва Аврупои
Донишгоҳи миллии
Тоҷикистон
Баёни ақида (0) Санаи нашр: 1.11.11 №: 151-152 Мутолиа карданд: 4467
