номаҳо
Арзи сипос менамоям
Мехоҳам ба воситаи гӯшаи "Розу ниёз"-и рӯзномаи "Ҷумҳурият" арзи сипоси худро ба Аҳлиддин Гадоев, сардори раёсати ҳифзи иҷтимоии аҳолии ноҳияи Абдураҳмони Ҷомӣ, расонам. Маҳз ба шарофати дастгирию меҳрубонии ин шахси ғамхор 18 рӯз дар осоишгоҳи "Калтуч"-и шаҳри Ваҳдат саломатии худро барқарор намудам.
Беш аз 16 сол аст, ки беморам. Чор бор ҷарроҳӣ шуда, ҳафт сол бистарӣ будам. Ҳоло ҳам касалии диққи нафас азобам медиҳад. Маъюби гурӯҳи аввал мебошам.
Дар осоишгоҳ саломатиам хеле беҳтар шуд. Ҳавои тозааш беҳтарин дору будааст. Табобат бо лой ва маҳс ҳам нафъ бахшид. Муомилаи табибону ҳамшираҳои шафқат бо беморон писандида буд. То рӯзи гирифтани роҳхат намедонистам, ки он барои ман барин маъюбони гурӯҳи аввал ройгон мебошад. Ва боз имтиёзҳои дигаре аз ҷониби Ҳукумати ҷумҳурӣ барои маъюбон пешбинӣ шуда будааст.
Талбак ЭЛМУРОДОВ,
сокини ноҳияи Абдураҳмони Ҷомӣ, Устоди варзиш, Мураббии хизматнишондодаи ҷумҳурӣ, маъюби гурӯҳи 1
Баёни ақида (0) Санаи нашр: 1.11.11 №: 151-152 Мутолиа карданд: 4528
