мулоқотҳо
Мулоқоти Эмомалӣ Раҳмон бо Шоҳзода Карим Оғохони 4
1 ноябри соли 2011 Эмомалӣ Раҳмон, Президенти кишвар, Шоҳзода Карим Оғохони 4 - Пешвои исмоилиёни ҷаҳонро ба ҳузур пазируфт. Дар мулоқот масоили ҳамкории Тоҷикистону Созмони Оғохон оид ба рушд баррасӣ шуданд.
Эмомалӣ Раҳмон, Сарвари давлат, ба Шоҳзода Карим Оғохони 4 - Пешвои исмоилиёни ҷаҳон барои кумакҳои сершумораш ба мардуми Тоҷикистон, аз ҷумла дар соҳаҳои рушди деҳот, кишоварзӣ, обрасонӣ, маорифу тандурустӣ ва бунёди пулҳои мошингузари миёни Тоҷикистону Афғонистон дар мавзеъҳои Хоруғ, Ишкошим, Қалъаихумб, Ванҷ ва оғози сохтмони пули Шӯрообод, изҳори сипос кард.
Бо қаноатмандӣ зикр гардид, ки имрӯз дар Тоҷикистон бо дастгирии молиявии Созмони Оғохон оид ба рушд тадбирҳои зиёди судманд татбиқ мегарданд.
Зимни сӯҳбати пурмуҳтаво омодагӣ ва ҳавасмандии амиқи ду ҷониб ба таҳким ва густариши ҳамкории минбаъда таъкид гашт.
Баёни ақида (0) Санаи нашр: 9.11.11 №: 153-154 Мутолиа карданд: 2017
