президент
Омодагӣ ба кишти баҳорӣ ва корҳои ободонӣ бояд вусъат гирад
13 феврали соли 2012 Эмомалӣ Раҳмон, Президенти кишвар, доир ба рафти зимистонгузаронӣ, омодагӣ ба киштукори баҳорӣ ва вусъати корҳои ободонию созандагӣ машварати корӣ доир намуд.
Дар оғоз доир ба ин ва дигар мавзуъҳои мавриди таваҷҷуҳ ахбори Маҳмадсаид Убайдуллоев, раиси шаҳри Душанбе, роҳбарони вазорату идораҳои дахлдор ва дигар шахсони масъул шунида шуд.
Эмомалӣ Раҳмон, Сарвари давлат, доир ба бартараф намудани камбудиҳои ҷойдошта дар таъминот бо неруи барқ, тоза кардани роҳҳои мошингард аз барфу тарма ва нигоҳ доштани эътидол дар бозори истеъмолӣ ба масъулон супоришҳои мушаххас дод.
Таъкид гардид, ки омодагӣ ба киштукори баҳорӣ, сабзкорӣ ва корҳои ободонию созандагӣ бояд ҳамаҷониба вусъат дода шаванд.
Баёни ақида (0) Санаи нашр: 18.02.12 №: 21-22 Мутолиа карданд: 15322
