мулоқотҳо
26 март дар мулоқот бо Ҷо Накано, муовини порлумонии вазири корҳои хориҷии Япония, доир ба ҳамкории гуногунпаҳлуи Тоҷикистон бо ин кишвари мутараққии ҷаҳон гуфтугӯйи судманд сурат гирифт...
Эмомалӣ Раҳмон, Сарвари давлат, иштироки намояндаи воломақоми Японияро дар Конфронси RECCA-5 нишонаи таваҷҷуҳи доимии ҳукумати ин кишвар ба минтақаи мо арзёбӣ намуда, изҳори боварӣ кард, ки ин ҳамойиши муҳим ва тасмимоти муштараки давлатҳо ва созмонҳои мададрасон ба рушди намоёни иқтисодиёт ва амну суботи Афғонистон ва мамлакатҳои ҳамсояи он мусоидати фаъол менамояд.
Аз рушди ҳамкорӣ бо Япония доир ба дастгирии рушди бахшҳои гуногуни иҷтимоию иқтисодии Тоҷикистон изҳори қаноатмандӣ карда шуд. Ҳамзамон густариши сармоягузории муштарак ба татбиқи лоиҳаҳои судманди иқтисодӣ дар соҳаи коркарди сарватҳои табиӣ ва кишоварзии Тоҷикистон ва дигар бахшҳо "бо истифода аз захираҳои Тоҷикистон ва технологияҳои Япония" матлуб дониста шуд.
Ба гуфтаи Ҷо Накано, бо назардошти марзи тӯлонии Тоҷикистон бо Афғонистон ва нақши муҳими он дар таъмини суботи минтақавӣ Япония омода аст, ки ба рушди иҷтимоию иқтисодӣ ва нақлиётии Тоҷикистон, хусусан минтақаи ҷануби он мусоидати фаъол намояд.
Баёни ақида (0) Санаи нашр: 29.03.12 №: 39 Мутолиа карданд: 1981
