номаҳо
Ба аҷзу нотавонӣ
тан мадеҳ
Ман нобиноям. Дар мактаби нобиноёни ноҳияи Ҳисор таҳсил кардаам. Пас аз хатм ҳуҷҷатҳоямро ба Коллеҷи санъати ба номи Аҳмад Бобоқулов супоридаму донишҷӯ шудам. Ҳоло дар курси дуюм таҳсил дорам. Хидматҳои овозхони маъруфу шинохта Дона Баҳромов ва дигар устодонамро ҳеҷ гоҳ фаромӯш намекунам. Бо ман бо ғамхории хоса муносибат менамоянд, то ҳунару истеъдодамро сайқал бубахшам.
Дастгирии онҳо буд, ки ман ба воситаи оинаи нилгун чандин маротиба ҳунарнамоӣ кардаму мухлисонамро пайдо намудам.
Дарёфтам, ки одам набояд аз норасоии ҷисмонӣ дилшикаста шаваду тан ба аҷзу нотавонӣ дардиҳад. Не. Рӯҳ бояд пурқувват бошад ва чашмаи боварӣ дар кас ҳамеша биҷӯшад. Ва ман ба ҳамаи онҳое, ки чун ман нуқси ҷисмонӣ доранду бо ноумедӣ сохтаанд, муроҷиат карда мегӯям, ки бо дилпурӣ ва умед гом барниҳанд. Сирри ҳама бурдбориҳо дар ҳамин аст.
Исмоил ҶАБИНЗОДА,
донишҷӯи курси дуюми Коллеҷи
санъати ба номи Аҳмад Бобоқулов
Баёни ақида (0) Санаи нашр: №: Мутолиа карданд: 4733
