мулоқотҳо
Ҳисоботи телефонии раисон ба Президент
14 апрел ба Эмомалӣ Раҳмон, Президенти кишвар, раисони шаҳру ноҳияҳои Рӯдакӣ, Ҳисор, Ваҳдат, Файзобод ва Турсунзода телефонӣ ҳисобот доданд.
Таваҷҷуҳи асосӣ ба нишондодҳои рушди иқтисодӣ, аз ҷумла иҷрои буҷети давлатӣ дар семоҳаи аввали соли равон, рафти киштукори баҳорӣ, тақвият додани корҳои созандагию бунёдкорӣ ва фаъолияти корхонаҳои саноатӣ, муҳайёсозии ҷойҳои нави кор ва ҳамчунин ҳифзи мардум аз хатари обхезӣ ва дигар офатҳои табиӣ зоҳир шуд.
Таъкид гашт, ки бо истифода аз рӯзҳои офтобӣ бояд қафомонии нақшаи киштукори баҳорӣ, ки бар асари тӯл кашидани мавсими имсолаи сардӣ ба миён омадааст, бартараф гардад.
Барои таъмини ситодҳои аксуламал ба офатҳои табиӣ бо техникаю маводи зарурӣ ва дар ҳолати омодабош қарор додани онҳо, ҳамчунин доир ба шаборӯзӣ ба роҳ мондани фаъолияти корхонаҳои саноатӣ, бунёди корхонаҳои нав, муҳайёсозии ҷойҳои нави кор ва ободонию сабзкории муҳити зист супоришҳои мушаххас дода шуданд.
Баёни ақида (0) Санаи нашр: 17.04.12 №: 47-48 Мутолиа карданд: 2110
