сафарҳо
Вохӯрии Эмомалӣ Раҳмон бо Гурбонгулӣ Бердимуҳаммадов
20 июн дар шаҳри Рио-де-Жанейрои Бразилия дар чаҳорчӯби иштирок дар Конфронси Рио+20 Эмомалӣ Раҳмон, Президенти Ҷумҳурии Тоҷикистон, бо Гурбонгулӣ Бердимуҳаммадов, Президенти Туркманистон, мулоқот доир намуд.
Дар вохӯрӣ масоили вобаста ба ҳамкории дуҷониба ва минтақавию байналмилалии ду кишвар баррасӣ шуданд.
Бо мақсади таҳкими муносибатҳои мутақобилан судманд ҷонибҳо ҳалли масъалаҳои марбут ба имзои лоиҳаҳои омодашудаи санадҳо доир ба соҳаҳои гуногуни ҳамкорӣ, аз ҷумла Созишнома оид ба асосҳои муносибатҳои байнидавлатиро зарур шумурданд.
Масоили ҳамгироии ду давлат дар соҳаҳои маориф, нақлиёт, тиҷорат ва иқтисод, бунёди корхонаҳои муштарак, фаъолияти Комиссияи байниҳукуматӣ оид ба ҳамкории тиҷоратӣ, иқтисодӣ ва илмиву техникӣ низ мавриди таваҷҷуҳи сарварони давлатҳои Тоҷикистону Туркманистон қарор гирифтанд.
Гуфтугӯи судманд ҳамчунин доир ба дигар масоили мавриди таваҷҷуҳ сурат гирифт.
Баёни ақида (0) Санаи нашр: 23.06.12 №: 81 Мутолиа карданд: 1827
