маориф
Шумораи муҳассилини хориҷӣ
зиёд карда мешавад
Хусрав Шанбезода, ноиби ректори Донишгоҳи славянии Русияву Тоҷикистон, зимни нишасти матбуотӣ ба намояндагони воситаҳои ахбори омма гуфт, ки соли равон ин муассисаи таълимӣ барои идомаи фаъолияташ дар 12 ихтисос ва 7 равия иҷозатнома гирифт. Ҳамчунин аз аттестатсия гузашт.
Ҳамкории донишгоҳ дар доираи шабакаи донишгоҳҳои ИДМ ва СҲШ оид ба сохтмони барномаҳои муштараки магистра идома дорад. Барномаҳои магистрии равияҳои «Забондонии муқоисавӣ», «Назарияи тарҷума ва робитаҳои байнифарҳангӣ», «Филология», «Таърих», «Фарҳангшиносӣ» омода ва тасдиқ гардидаанд.
Вобаста ба пурсиши хабарнигорон посух дода шуд, ки дар соли таҳсили 2011-2012 11 нафар рисолаи номзадӣ ва 3 нафар рисолаи докторӣ ҳимоя карданд. Дар таълимгоҳ 132 нафар донишҷӯи хориҷӣ таҳсил мекунад. Тибқи дурнамо шумораи муҳассилини хориҷӣ дар оянда зиёд карда мешавад.
Дар соли ҷорӣ ба донишҷӯён профессорони машҳур аз кишварҳои Олмон, Русия ва Зеландияи Нав дарс гуфтанд.
Мафтуна БАХТИБЕКОВА,
«Ҷумҳурият»
Баёни ақида (0) Санаи нашр: 12.07.12 №: 92-93 Мутолиа карданд: 5449
