қонунҳои ҶТ
Қонуни
Ҷумҳурии Тоҷикистон
ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН "ДАР БОРАИ ТАНЗИМИ ДАВЛАТИИ ИСТЕҲСОЛУ МУОМИЛОТИ СПИРТИ ЭТИЛӢ ВА МАШРУБОТ"
Моддаи 1. Ба Қонуни Ҷумҳурии Тоҷикистон "Дар бораи танзими давлатии истеҳсолу муомилоти спирти этилӣ ва машрубот" аз 15 майи соли 1997 (Ахбори Маҷлиси Олии Ҷумҳурии Тоҷикистон, с. 1997, № 10, мод. 147; с. 1998, № 10, мод. 74; с. 2002, № 4, қ.1, мод.179; мод.188; с.2007, № 6, мод. 434; мод. 437) тағйиру иловаҳои зерин ворид карда шаванд:
1. Дар қисми якуми моддаи 3:
- сархатҳои якум, сеюм ва ҳафтум хориҷ карда шаванд;
- дар сархати панҷум калимаҳои "шартҳои техникӣ" ба калимаҳои "регламентҳои техникӣ" иваз карда шаванд.
2. Дар қисми якуми моддаи 4:
- сархати якум дар таҳрири зайл ифода карда шавад:
"иҷозатномадиҳии фаъолият вобаста ба истеҳсол ва муомилоти спирти этилӣ тибқи қонунгузории Ҷумҳурии Тоҷикистон;";
- сархатҳои дуюм ва чорум хориҷ карда шаванд;
- дар сархати панҷум калимаҳои "шартҳои техникӣ" ба калимаҳои "регламентҳои техникӣ" иваз карда шаванд.
3. Дар ном ва матни қисми якум ва дуюми моддаи 5 калимаҳои "дар соҳаи истеҳсол ва муомилоти спирти этилӣ, машрубот ва маҳсулоти спиртӣ" ба калимаҳои "дар соҳаи истеҳсолу муомилоти спирти этилӣ ва машрубот" иваз карда шаванд.
4. Дар қисми якуми моддаи 6:
- сархати якум дар таҳрири зайл ифода карда шавад:
"иҷозатномадиҳии фаъолият вобаста ба истеҳсол ва муомилоти машрубот тибқи қонунгузории Ҷумҳурии Тоҷикистон;";
- дар сархати панҷум калимаҳои "шартҳои техникӣ" ба калимаҳои "регламентҳои техникӣ" иваз карда шаванд.
5. Дар қисми сеюми моддаи 7 калимаи "стандартҳо" ба калимаҳои "регламентҳои техникӣ" иваз карда шавад.
6. Ҷумлаи якуми қисми чоруми моддаи 9 хориҷ карда шавад.
7. Дар моддаи 10 калимаҳои "шартҳои техникии" ба калимаҳои "регламентҳои техникии" иваз карда шаванд.
8. Моддаи 11 хориҷ карда шавад.
9. Дар моддаи 13:
- қисми сеюм дар таҳрири зайл ифода карда шавад:
"Назорати давлатии истеҳсолу муомилоти спирти этилӣ ва машрубот, назорати додани иҷозатномаҳоро барои истеҳсолу муомилоти спирти этилӣ ва машрубот, сертификатсияи таҷҳизоти истеҳсоли спирти этилӣ ва машрубот, назорати риояи шартҳои ҳатмии барои машрубот ва ашёи хоми истеҳсоли он муқарраршуда, сифати спирти этилӣ ва машруботро дар бар мегирад.";
- аз қисми чорум калимҳои ", муайян кардани саҳмия (квота), декларация кардан" хориҷ карда шаванд.
10. Дар қисми якуми моддаи 14:
- сархатҳои сеюм ва нӯҳум хориҷ карда шаванд;
- дар сархати ҳафтум пас аз калимаи "талаботи" калимаи "ҳатмии" илова карда шавад;
- дар сархати ҳаштум аломати нуқта вергул ";" ба аломати нуқта иваз карда шавад.
Моддаи 2. Қонуни мазкур пас аз ворид шудани Ҷумҳурии Тоҷикистон ба Созмони Умумиҷаҳонии Савдо мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 3 июли соли 2012, № 872
Қарори
Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии
Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон
"Дар бораи танзими давлатии истеҳсолу
муомилоти спирти этилӣ ва машрубот"
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи танзими давлатии истеҳсолу муомилоти спирти этилӣ ва машрубот" қабул карда шавад.
Раиси Маҷлиси намояндагони
Маҷлиси Олии
Ҷумҳурии Тоҷикистон Ш. ЗУҲУРОВ
ш. Душанбе, 23 майи соли 2012, № 795
Қарори
Маҷлиси миллии
Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон
"Оид ба ворид намудани тағйиру иловаҳо ба
Қонуни Ҷумҳурии Тоҷикистон "Дар бораи
танзими давлатии истеҳсолу муомилоти спирти этилӣ ва машрубот"
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи танзими давлатии истеҳсолу муомилоти спирти этилӣ ва машрубот"-ро баррасӣ намуда, қарор мекунад:
Қонуни Ҷумҳурии Тоҷикистон "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи танзими давлатии истеҳсолу муомилоти спирти этилӣ ва машрубот" ҷонибдорӣ карда шавад.
Раиси Маҷлиси миллии
Маҷлиси Олии
Ҷумҳурии Тоҷикистон М. УБАЙДУЛЛОЕВ
ш. Душанбе, 14 июни соли 2012, № 346
Баёни ақида (0) Санаи нашр: 12.07.12 №: 92-93 Мутолиа карданд: 3548
