барқияҳо
Барқияи тасаллият
ба Президенти Ҷумҳурии Қазоқистон Нурсултон Назарбоев
27 декабри соли 2012 Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Қазоқистон Нурсултон Назарбоев барқияи ҳамдардӣ ирсол намуд, ки дар он аз ҷумла омадааст:
Муҳтарам Нурсултон Абишевич,
Хабари фоҷиавии садамаи ҳавопаймои низомиву нақлиётие, ки дар назди Шимкент рух дод ва боиси ҳалокати хизматчиёни ҳарбии Хадамоти сарҳадии Кумитаи амнияти миллии Қазоқистон гардид, маро сахт андӯҳгин намуд.
Дар ин лаҳзаҳои пур аз ғаму андӯҳ мо ба дарди Шумо нисбат ба ин талафоти вазнин шарик ҳастем.
Хоҳишмандам ҳамдардии самимии моро ба аҳли оила ва хешу таборони шахсони ҳалокшуда изҳор намоед.
Баёни ақида (0) Санаи нашр: 1.01.13 №: 1-2 Мутолиа карданд: 3430
