номаҳо
Мо ба ин савол ҷавоб мехоҳем
Масъулони мақомоти дахлдор, мутаассифона, ба воситаҳои ахбори омма, дар хусуси одамрабоӣ бисёр кам ҳарф мезананд, ҳақиқатро ба мардум намефаҳмонанд, балки инкор менамоянд, ҳол он ки мо ба ин падидаи номатлуби давраи нав дучор меоем. Дар чунин маврид хоҳ-нохоҳ нисбати мақомоти дахлдор як нобоварӣ ба вуҷуд меояд.
Ин номаро барои он менависам, ки одамраборо дидам, ҳамроҳи дигарон ду кӯдаки маҳалларо аз чанголаш раҳо кардем, аммо дар ихтиёраш боз чанд кӯдаки дигар буд. Дар оғоз дасту поямонро гум намудем, яъне танҳо ғами кӯдакони шиноси маҳалларо хӯрдем. Ақламон нагирифт, ки зуд ба мақомоти дахлдор хабар бидиҳем. Инчунин мо бояд ӯро дастгир мекардем ва ба шуъбаи корҳои дохилӣ месупурдем. Одамрабоён аммо усулҳои дигар ва нав ба навро кор мефармоянд. Пас чӣ бояд кард? Мо ба ин савол ҷавоб мехоҳем.
Д. САЛОМОВ, ноҳияи Рӯдакӣ
Баёни ақида (0) Санаи нашр: 12.02.13 №: 20 Мутолиа карданд: 4930
