номаҳо
«Доғ»-ҳои боғ маро
ғамгин кард
Дар боғи Рӯдакии пойтахти кишварамон «доғ»-ҳоро дидаму ғамгин шудам. Оре, қариб дар ҳамаи курсиҳо сухану расмҳои ноҷо навиштаанду кашидаанд. Аз ҷумла нигоштаанд: «Мунира, Алиҷон, Ники 31.10.06 Сиёвуш телефон кунен шинос мешем ҷон, Ануш шинос мешем. Alligator корочи эта я Маруф… Улиҷа Роҳат 19 октябр 2008 селхоз, Milion здес все ханчики –чики, Поднимают статус РЕПЕРА Togikiston».
Бо чунин муносибат ва хатоҳои зиёди имлоӣ ин гурӯҳи одамон сатҳи пасти маърифати худро ба исбот расониданд.
Ба ҷуз ин ба мушоҳида расид, ки дар ҳар ҷо –ҳар ҷои боғ шишаҳои холии пластикӣ партофтаанд. Ва, мутаассифона, ҷойи партовпартоӣ танҳо дар назди даромадгоҳи боғ буд.
Албатта, бархе аз истироҳаткунандагон иҷрои ин амалҳои номатлубро шоҳид гардидаанд, аммо ба бетарафӣ пеши роҳи амалҳои онҳоро нагирифтаанд.
Дар ин сурат, фикр мекунам, ки онҳо низ ба ин амалҳои паст шарик маҳсуб мешаванд.
Ба хотири Рӯдакӣ ва миллату пойтахт бояд мо боғамонро дӯст бидорем ва чун гавҳараки чашм нигоҳ дорем. Охир, он ифтихори мову эътибори мо аст. Бояд нагузорем, боғамон доғистон гардад.
Далер САИДМУРОДОВ,
ш. Душанбе
Баёни ақида (0) Санаи нашр: №: Мутолиа карданд: 3915
