номаҳо
Инсоф куҷост?
Дар ноҳияи мо дар арафаи моҳи шарифи рамазон нархи як кило гӯштро 35 сомонӣ намуданд. Шояд дар дигар шаҳру ноҳияҳои кишвар низ ба ин амал даст зада бошанд. Чунин як анъанаро ҳамасола дар арафаи моҳи рамазон ва идҳои исломӣ эҳё мекунанд. Ин нархҳои баландро пас аз он дигар поён намефароранд.
Имсол ҳеҷ бовар надоштам, ки нархи гӯштро боло мебаранд, зеро обу ҳавои баҳор ба афзун шудани алаф мусоидат намуд. Нархи коҳ низ поён фаромад. Саршумори чорво аз рӯи маълумоти оморӣ зиёд гардид.
Яқин кардам, ки то сатҳи имонии фурӯшандагон боло наравад, нархҳо ҳеҷ поён намефароянд ва ё дар ҳолати доимии худ намемонанд. Ва дар тааҷҷубу шубҳа афтодам, ки оё ин фурӯшандагон бо рӯза доштану намоз гузоштан дар ин моҳи шариф соҳиби савоб мешаванд? Агар не, пас чаро бефоида рӯза мегиранду намоз мехонанд? Ё дар чоҳи фиреби худ меафтанд?
А. НАМОЗОВ, ноҳияи Восеъ
Баёни ақида (0) Санаи нашр: 18.07.13 №: 96 Мутолиа карданд: 5308
