барқияҳо
27 октябр Президенти Ҷумҳурии Тоҷикистон Эмомалӣ Раҳмон ба Президенти Туркманистон Гурбонгулӣ Бердимуҳаммедов бо чунин мазмун барқияи шодбош ирсол намуд:...
"Муҳтарам Гурбонгулӣ Мяликулиевич,
Ба муносибати таҷлили солгарди истиқлолияти Туркманистон табрикоти гарму самимии маро қабул фармоед.
Тоҷикистон ба сатҳи кунунии равобит бо Туркманистон, ки дар солҳои охир ба таври назаррас рушд меёбанд, баҳои баланд медиҳад.
Мутмаинем, ки бо талошҳои муштарак равобити дуҷонибаи дар асоси суннатҳои таърихӣ ва дӯстӣ бунёдёфта ва ҳамкориҳои мутақобилан судманди худро тақвият медиҳем. Мехоҳам ба Шумо итминон диҳам, ки ҷониби Тоҷикистон ҷиҳати татбиқи созишномаҳои мо, ки ба рушду таҳкими минбаъдаи равобити дуҷониба нигаронида шудаанд, аз тамоми имконоти мавҷуда истифода мекунад.
Дар ин лаҳзаҳои фараҳбахши идона ба Шумо, Гурбонгулӣ Мяликулиевич сиҳатии комил, дар татбиқи нақша ва ниятҳоятон, ки ба рушди Туркманистон ва таҳкими мавқеи байналмилалии он равона гардидаанд, муваффақиятҳои бузург ва ба халқи бародари туркман пешрафту шукуфоиро таманно дорам".
Баёни ақида (0) Санаи нашр: 29.10.13 №: 143 Мутолиа карданд: 3409
