номаҳо
Маоши июнро дар октябр гирифтем
Яке аз проблемаҳое, ки ҳанӯз ҳалли худро наёфтааст, сари вақт нагирифтани маоши омӯзгорон мебошад. Ҳол он ки дар сиёсати кишвари мо маориф соҳаи афзалиятнок маҳсуб меёбад ва маблағгузорӣ ба он ҳамасола дар ҳоли афзудан аст. Ман инро дар мисоли мактаби таҳсилоти миёнаи умумии № 19-и ба номи Абдураҳмони Ҷомии ноҳияи Шаҳритус гуфта метавонам. Дар даврони таътил, яъне фасли тобистон, онҳо пули рухсатии меҳнатияшонро нагирифтанд. Ҳол он ки бояд дар ин муддат ба фароғатгоҳҳо мерафтанд ва хуб истироҳат менамуданд ва ё тандурустияшонро барқарор менамуданд. Албатта, пас аз он бо рӯҳу табъи болида ба мактаб бармегаштанд. Дар ин ҳол самараи дарс ба маротиб меафзуд.
Мо маоши моҳи июнро чанд рӯз пеш, яъне дар моҳи октябр гирифтем. Масъулон оё андешида бошанд, ки омӯзгорон чӣ гуна бе пул ин моҳҳоро сипарӣ кардаанд? Магар бо чунин ҳол сатҳу сифати таълимро боло бурдан мумкин аст?
Сироҷиддин Пӯлодов,
ноҳияи Шаҳритус
Баёни ақида (0) Санаи нашр: 12.11.13 №: 149 Мутолиа карданд: 5500
