сафарҳо
Сафари Эмомалӣ Раҳмон ба Ню-Йорк
22cентябр Президенти Ҷумҳурии Тоҷикистон Эмомалӣ Раҳмон баҳри иштирок дар Иҷлосияи 63– юми Маҷмаи умумии Созмони Милали Муттаҳид ба шаҳри Ню-Йорки Иёлоти Муттаҳидаи Амрико сафар кард.
Дар ин сафар Сардори давлати Тоҷикистон Эмомалӣ Раҳмонро вазири корҳои хориҷӣ Ҳамроҳхон Зарифӣ, мушовири давлатии Президенти Ҷумҳурии Тоҷикистон оид ба сиёсати хориҷӣ Эркин Раҳматуллоев ва дигар шахсони расмӣ ҳамроҳӣ мекунанд.
Дар фурудгоҳи шаҳри Душанбе Президенти Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев, Раиси Маҷлиси намояндагони Маҷлиси Олии Ҷумҳурии Тоҷикистон Сайдулло Хайруллоев, Сарвазири Ҷумҳурии Тоҷикистон Оқил Оқилов, роҳбари Дастгоҳи иҷроияи Президенти Ҷумҳурии Тоҷикистон Амиршо Миралиев ва дигар шахсони расмӣ гусел намуданд.
Интизор меравад, ки зимни сафари худ ба шаҳри Ню-Йорк Президенти Ҷумҳурии Тоҷикистон Эмомалӣ Раҳмон дар Иҷлосияи 63– юми Маҷмаи умумии Созмони Милали Муттаҳид иштирок ва суханронӣ намуда, ҳамчунин дар чорабинии сатҳи олии «Баррасии дастовардҳои Ҳадафҳои рушд, ки дар Эъломияи ҳазорсола омадаанд» ва ҷамъомади сатҳи олии «Об ва санитария барои ҳама» ширкат меварзад.
Чорабинии сатҳи олии «Об ва санитария барои ҳама» таҳти раёсати Президенти Ҷумҳурии Тоҷикистон Эмомалӣ Раҳмон ва ҷамъомади сатҳи олии татбиқи Ҳадафҳои Рушди Ҳазорсола таҳти ҳамраисии ӯ ҷараён хоҳанд гирифт, ки ин бозгӯ аз нақши намоёни Тоҷикистон дар ҳаллу фасли мушкилоти глобалӣ ва пешниҳодоти қабулгаштаю татбиқшавандаи Сардори давлатамон мебошад.
Дар шаҳри Ню-Йорк ҳамчунин мулоқотҳои Президенти Ҷумҳурии Тоҷикистон Эмомалӣ Раҳмон бо Дабири кулли Созмони Милали Муттаҳид Пан Ги Мун, роҳбарони баъзе давлатҳо ва дигар ходимони сиёсию ҷамъиятии сатҳи баланди давлатию байналмилалӣ дар назар аст.
Баёни ақида (0) Санаи нашр: №: Мутолиа карданд: 6015
