мулоқотҳо
МУЛОҚОТИ ЭМОМАЛӢ РАҲМОН БО ЛОРА ТАК
10 феврали соли равон Президенти кишвар Эмомалӣ Раҳмон ноиби президенти Бонки ҷаҳонӣ оид ба минтақаи Аврупо ва Осиёи Марказӣ Лора Такро ба ҳузур пазируфт.
Сарвари давлат Эмомалӣ Раҳмон ба роҳбарияти Бонки ҷаҳонӣ барои дастгирии пайваста аз рушди иҷтимоию иқтисодии Тоҷикистон арзи сипос намуд. Аз ҷумла зикр гардид, ки тайи солҳои шарикӣ аз ҷониби Бонки ҷаҳонӣ ҷиҳати рушди минбаъдаи иқтисодию иҷтимоӣ ба кишвари мо дар ҳаҷми беш аз 750 миллион доллари амрикоӣ қарзҳои имтиёзнок, грантҳо ва кумаки техникӣ ҷудо гардидааст. Алҳол ба маблағи умумии 223 миллион доллари амрикоӣ 13 лоиҳаи маблағгузории грантии Бонки ҷаҳонӣ дар бахшҳои энергетика, кишоварзӣ, маориф, тандурустӣ, обтаъминсозӣ, хоҷагии манзилӣ ва ислоҳоти идораи давлатӣ амалӣ мегарданд.
Дар зимн таваҷҷуҳи бештар ҷиҳати татбиқи босамари Стратегияи кишварии Бонки ҷаҳонӣ бо Тоҷикистон дар солҳои 2015 - 2018 зоҳир гардид.
Гуфтугӯйи судманд, ҳамчунин доир ба ҷараёни ташхиси иқтисодию техникӣ ва экологию иҷтимоии лоиҳаи сохтмони нерӯгоҳи Роғун, оғози бунёди хатти барқии 500 - киловолтаи минтақавии CASA-1000, маблағгузории қисмати тоҷикистонии роҳи оҳани Тоҷикистон-Афғонистон-Туркманистон ва дигар масоили мавриди назар сурат гирифт.
Баёни ақида (0) Санаи нашр: 11.02.2014 №: 29 Мутолиа карданд: 1416
