номаҳо
Ду боғи
Гулаҳмад
Сангов
Чун шаклҳои нави хоҷагидорӣ ба миён омад, Гулаҳмад Сангов ҳам, ки нафақахӯр аст, дар ноҳияи Балҷувон хоҷагии деҳқонӣ ташкил намуд. ӯ мақсади бунёди боғро дошт. Бо ҳамин нияти нек дар 3 гектар ниҳолакони себу чормағз, олую ангур ва зардолую шафтолу шинонд.
Вақте ниҳолҳо хурд буданд, ӯ дар байни қаторҳо юнучқа корида, заминро обёрӣ менамуд. Аз ҳисоби фурӯши беда хоҷагии деҳқониро аз лиҳози иқтисодӣ сол ба сол бақувват мекард. Дар дигар қисмати холигии замин сабзавот корида, таъмини яке аз ошхонаҳои ноҳияро тобистону тирамоҳ бо сабзавоти тару тоза ба ӯҳда гирифт.
Бо гузашти солҳо ниҳолони навбар ба дарахтони мевадиҳанда табдил ёфтанд. Гулаҳмад Сангов ҳар сол бо ғундоштани ҳосили боғ ба ҳамсояҳо, хусусан ба шахсони камбизоат, меваҳои шаҳдбор тӯҳфа месозад.
ӯ боғбони ҳаёт низ ҳаст. Ҳамроҳи ҳамсараш апаи Донагул 11 фарзандро тарбия намуда, ба роҳи мустақилонаи ҳаёт бо дуои нек гусел намудааст.
А. НУРОВ, ноҳияи Балҷувон
Баёни ақида (0) Санаи нашр: №: Мутолиа карданд: 3344
