сафарҳо
Сардори давлат ба Латвия, Белгия, Литва ва Эстония сафар кард
8 феврали соли 2009 Президенти Ҷумҳурии Тоҷикистон Эмомалӣ Раҳмон ҷиҳати анҷом додани сафарҳои давлатӣ, расмӣ ва корӣ ба Ҷумҳурии Латвия, Шоҳигарии Белгия, Ҷумҳурии Литва ва Ҷумҳурии Эстония сафар кард.
Зимни он Эмомалӣ Раҳмон ба Шоҳигарии Белгия сафари расмӣ анҷом медиҳад, боздиди Сардори давлат аз Латвия сафари давлатӣ буда, Вилнюсро ӯ бо сафари расмӣ зиёрат мекунад ва дар хотимаи ин силсиласафараш Президенти Ҷумҳурии Тоҷикистон бо сафари корӣ ба Эстония хоҳад рафт.
Ҳангоми иҷрои ин барнома Эмомалӣ Раҳмон бо чанде аз роҳбарон ва масъулони Иттиҳоди Аврупо ва созмонҳои байналмилалӣ аз қабили НАТО, Хартияи энергетикӣ, Бонки сармоягузории Аврупо ва ғайра мулоқотҳои судманд анҷом медиҳад.
Дар фурудгоҳи пойтахт Президенти Ҷумҳурии Тоҷикистон Эмомалӣ Раҳмонро Раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев, Раиси Маҷлиси намояндагони Маҷлиси Олии Ҷумҳурии Тоҷикистон Сайдулло Хайруллоев, Сарвазири Ҷумҳурии Тоҷикистон Оқил Оқилов, Роҳбари Дастгоҳи иҷроияи Президенти Ҷумҳурии Тоҷикистон Амиршо Миралиев ва дигар ашхоси расмӣ гусел намуданд.
Дар ин сафар Сардори давлат Эмомалӣ Раҳмонро вазири корҳои хориҷӣ Ҳамроҳхон Зарифӣ, мушовири давлатии Президенти Ҷумҳурии Тоҷикистон оид ба сиёсати хориҷӣ Эркин Раҳматуллоев, раиси Кумитаи давлатии сармоягузорӣ ва идораи амволи давлатӣ Фаррух Ҳамралиев, муовини аввали вазири энергетика ва саноат Пӯлод Муҳиддинов ва дигар шахсони расмӣ ҳамроҳӣ мекунанд.
Баёни ақида (0) Санаи нашр: №: Мутолиа карданд: 5055
