номаҳо
«Кай соҳиби хона мешавем»?
Беш аз бист сол аст, ки фаъолият дорам. Дар пешрафти ҷомеа, ободии кишвар, боло рафтани сатҳи маърифат саҳми арзанда мегирам. Маошам барои рӯзгузаронӣ кофӣ нест. Маҷбур мешавам ба дигар корҳои даромаднок аз ҳисоби фароғатам машғул бигардам. Қудрату имкони муҳоҷири меҳнатӣ шуданро надорам. Мебинаму меандешам, ки қариб нисфи умрам гузаштаасту офтоби ҳаётам рӯ ба нишастан меорад. Ғамгин мешавам, аз худ мепурсам: «Ман кай соҳиби хона мегардам? Оё аз супурдани иҷорапулӣ роҳи раҳоӣ вуҷуд дорад? Фарзандонамро дар куҷо хонадор мекунам?».
Дарди маро касе эҳсос мекунад, ки мисли ман хона надошта бошаду ҳар моҳ беш аз 100 доллари амрикоӣ пули иҷораи манзил супорад. Инчунин ҳамсараш аз ӯ ҳар рӯз бипурсад: «Кай соҳиби хона мешавем?». Ман ба пурсишҳо ҷавоби мусбат надорам, зеро нархи хона дар кишвар сол то сол боло мераваду офтоби умеди ман ҳеҷ тулӯъ намекунад.
М. ДАВЛАТОВ, ноҳияи Сино
Баёни ақида (0) Санаи нашр: 13.06.2014 №: 112 Мутолиа карданд: 1401
