озмунҳо
ОЗМУНИ "ҶУМҲУРИЯТ"- 2014
ВАСФИ ДИЁР
Рӯзномаи «Ҷумҳурият» тасмим гирифт, ки дар соли АСП, ҷонвари дилрабо, чобукрав, пурсабру тоқат, даванду болобаланд, бовафо, бамеҳр, босадоқат оид ба дастовардҳои даврони Истиқлолияти давлатии Ҷумҳурии Тоҷикистон зери унвони «Васфи диёр» озмун эълон намояд.
Шарти асосӣ васфи Тоҷикистон, даст-овардҳои истиқлолият, меҳру муҳаббат ба Ватан, ҳувияти миллӣ, худшиносӣ, пос доштани анъанаҳои неки ниёгон, ҳифзу ободонии ёдгориҳои таърихӣ, афзун намудани комёбиҳо, иҷрои барномаҳои бузурги давлатӣ, тавсифи мардуми сарбаланду заҳматпеша, тарғиби таҷрибаи пешқадам, амалҳои хайру созандаи соҳибкорон, дастовардҳои илму техника дар жанри очерк, публитсистика, мақолаҳои таҳлилӣ мебошад.
Озмун 8 - уми сентябр, дар арафаи Рӯзи Истиқлолияти давлатии Ҷумҳурии Тоҷикистон ҷамъбаст мешавад.
«Ҷумҳурият» барои ғолибон чунин мукофотҳоро муқаррар кард:
1. Як ҷойи аввал - 1500 сомонӣ.
2. Ду ҷойи дуюм - ҳар яке 1000 сомонӣ.
3. Се ҷойи сеюм - ҳар яке 500 сомонӣ
4. Чор ҷойи ҳавасмандӣ - ҳар яке 250 сомонӣ.
Дар озмун ҳамаи хоҳишмандон метавонанд ширкат варзанд. Ба онҳо дар эҷоди мақолаҳои пурмуҳтаво комёбӣ мехоҳем. Майдон аз далер аст. Ҳар касу дави аспаш.
Баёни ақида (0) Санаи нашр: 19.06.2014 №: 116 Мутолиа карданд: 30429
