қонунҳои ҶТ
ҚОНУНИ Ҷумҳурии Тоҷикистон
Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014»
Моддаи 1. Ба моддаи 15 Қонуни Ҷумҳурии Тоҷикистон аз 31 октябри соли 2013 «Дар бораи Буҷети давлатии Ҷумҳурии Тоҷикистон барои соли 2014» (Ахбори Маҷлиси Олии Ҷумҳурии Тоҷикистон, с. 2013, № 10, мод. 708; с. 2014, № 2, мод. 53; № 7, қ. 1, мод. 384; Қонуни Ҷумҳурии Тоҷикистон аз 9 октябри соли 2014, № 1129) тағйиру иловаҳои зерин ворид карда шаванд:
- қисмҳои 6 ва 7 бо мазмуни зайл илова карда шаванд:
«6. Воридоти 1 адад дастгоҳи бофандагӣ аз тарафи Ҷамъияти дорои масъулияти маҳдуди «Қолинҳои Суғд» аз андоз аз арзиши иловашуда ва боҷи гумрукӣ озод карда мешавад.
7. Воридоти молҳо барои сохтмони заводи сементбарории Ҷамъияти дорои масъулияти маҳдуди «Тоҷ – чайна 2013» дар шаҳри Ваҳдат, ки номгӯй ва миқдори онҳоро Ҳукумати Ҷумҳурии Тоҷикистон тасдиқ мекунад, аз андоз аз арзиши иловашуда ва боҷи гумрукӣ озод карда мешавад.»;
- дар қисми 7 рақами «6» ба рақами «8» иваз карда шавад;
- қисмҳои 6, 7, 8, 9 ва 10 мувофиқан қисмҳои 8, 9, 10, 11 ва 12 ҳисобида шаванд.
Моддаи 2. Қонуни мазкур аз 1 январи соли 2014 мавриди амал қарор дода шавад.
Президенти Ҷумҳурии Тоҷикистон Эмомалӣ РАҲМОН
ш. Душанбе, 14 ноябри соли 2014, № 1131
Қарори
Маҷлиси намояндагони Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014»
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2014» қабул карда шавад.
Раиси Маҷлиси намояндагони Маҷлиси Олии
Ҷумҳурии Тоҷикистон Ш. ЗУҲУРОВ
ш. Душанбе, 12 ноябри соли 2014, № 1659
Баёни ақида (0) Санаи нашр: 18.11.2014 №: 224 Мутолиа карданд: 1375
