қонунҳои ҶТ
ҚОНУНИ ҶУМҲУРИИ ТОҶИКИСТОН
ОИД БА ВОРИД НАМУДАНИ ТАҒЙИРУ ИЛОВАҲО БА ҚОНУНИ ҶУМҲУРИИ ТОҶИКИСТОН «ДАР БОРАИ ҲИМОЯ ВА ДАСТГИРИИ ДАВЛАТИИ СОҲИБКОРӢ»
Моддаи 1. Ба Қонуни Ҷумҳурии Тоҷикистон аз 26 июли соли 2014 «Дар бораи ҳимоя ва дастгирии давлатии соҳибкорӣ» (Ахбори Маҷлиси Олии Ҷумҳурии Тоҷикистон, с. 2014, №7, қ.2, мод. 404) тағйиру иловаҳои зерин ворид карда шаванд:
1. Дар сархати ҳаштуми моддаи 1 калимаи «шӯро» ба калимаи «Шӯро» иваз карда шавад.
2. Дар қисмҳои 3, 5 ва 6 моддаи 5 калимаҳои «гардиши маблағҳои» ба калимаҳои «даромади умумии» иваз карда шаванд.
3. Дар моддаи 7:
- дар сархати панҷум калимаҳои «таҳвилдиҳандагон ва истеъмолкунандагони маҳсулоти истеҳсолӣ» ба калимаҳои «таҳвилдиҳандагони мол» иваз карда шаванд;
- сархати дувоздаҳум дар таҳрири зерин ифода карда шавад:
«-якҷоя бо дигар субъектҳои соҳибкорӣ тибқи тартиби муқаррарнамудаи қонунгузорӣ ассотсиатсияҳои (иттифоқҳои) субъектҳои соҳибкориро таъсис диҳад ё ба онҳо шомил шавад;»;
- аз сархати ҳаждаҳум калимаи «иҷрои» хориҷ карда шавад.
4. Дар моддаи 8:
- дар сархати сеюм калимаҳои «қонунгузории меҳнати Ҷумҳурии Тоҷикистон» ба калимаҳои «қонунгузории Ҷумҳурии Тоҷикистон оид ба меҳнат» ва калимаи «коллективҳои» ба калимаи «коллективи» иваз карда шаванд;
- дар сархати ҳафтум калимаи «андозҳоро» ба калимаҳои «андозҳо ва дигар пардохтҳои ҳатмиро ба буҷети давлатӣ» иваз карда шавад;
- сархати ёздаҳум дар таҳрири зерин ифода карда шавад:
«- барои амалигардонии намуди фаъолияте, ки ҳуҷҷатҳои иҷозатдиҳӣ ё иҷозатномаро талаб менамояд, мутобиқи қонунгузории Ҷумҳурии Тоҷикистон ҳуҷҷатҳои иҷозатдиҳӣ ё иҷозатнома гирад;».
5. Дар ном ва матни моддаи 9 калимаҳои «махфӣ дар бораи» ба калимаи «махфии» иваз карда шаванд.
6. Дар сархати сеюми моддаи 13 калимаи «қабули» ба калимаи «тасдиқи» иваз карда шавад.
7. Қисми 1 моддаи 16 дар таҳрири зерин ифода карда шавад:
«1. Бизнес – инкубаторҳо барои рушд ва дастгирии соҳибкории хурд ва миёна бо тартиби муқаррарнамудаи қонунгузории Ҷумҳурии Тоҷикистон аз ҷониби Ҳукумати Ҷумҳурии Тоҷикистон таъсис дода мешаванд.».
8. Дар моддаи 21:
- дар номи модда калимаҳои «ҳуқуқии моликияти» ба калимаҳои «ҳуқуқи молу мулкии» иваз карда шаванд;
- ба қисми 4 пас аз калимаҳои «мақомоти давлатӣ» калимаҳои «, мақомоти худидоракунии шаҳрак ва деҳот» илова карда шаванд.
9. Дар моддаи 22:
- ба қисми 1 пас аз калимаҳои «ҳифзи ҳуқуқ» калимаҳои «, мақомоти худидоракунии шаҳрак ва деҳот» илова карда шаванд;
- аз қисми 2 калимаи «иҷрои» хориҷ карда шавад.
Моддаи 2. Қонуни мазкур пас аз интишори расмӣ мавриди амал қарор дода шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 18 марти соли 2015, № 1194
Қарори Маҷлиси намояндагони Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ»
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ» қабул карда шавад.
Раиси Маҷлиси
намояндагони Маҷлиси Олии
Ҷумҳурии Тоҷикистон Ш. ЗУҲУРОВ
ш. Душанбе, 25 феврали соли 2015, № 1812
Қарори Маҷлиси миллии Маҷлиси Олии Ҷумҳурии Тоҷикистон
Дар бораи Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ»
Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ»-ро баррасӣ намуда, қарор мекунад:
Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи ҳимоя ва дастгирии давлатии соҳибкорӣ» ҷонибдорӣ карда шавад.
Раиси Маҷлиси
миллии Маҷлиси Олии
Ҷумҳурии Тоҷикистон М. УБАЙДУЛЛОЕВ
ш. Душанбе, 5 марти соли 2015, № 799
Баёни ақида (0) Санаи нашр: 28.03.2015 №: 61-65 Мутолиа карданд: 1593
