барқияҳо
БАРҚИЯИ ШОДБОШ БА НУРСУЛТОН НАЗАРБОЕВ
27 апрел Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Қазоқистон Нурсултон Назарбоев барқияи шодбош ирсол намуд, ки дар он гуфта мешавад:
“Муҳтарам Нурсултон Абишевич,
Басо сарфарозам, ки Шуморо ба муносибати ба мансаби олии Президенти Ҷумҳурии Қазоқистон такроран интихоб шуданатон самимона муборакбод намоям.
Халқи Қазоқистон бо изҳори ризоияти худ пуштибонии васею бешубҳаи сиёсати созандаи Шуморо ба манзури шукуфоии кишвар, дар арсаи ҷаҳон бемайлон баланд бардоштани обрӯ ва беҳбуди халқи он ба тамоми ҷаҳон намоиш дод. Муваффақиятҳое, ки дар ин ҷода ба даст омадаанд, бо номи Шумо зич алоқаманданд.
Қаноатмандии худро аз рушди ҳамкории мутақобилан муфиди Тоҷикистону Қазоқистон иброз дошта, аминам, ки Шумо минбаъд ҳам ба рушду густариши ҳамкории байни мамлакату халқҳоямон мусоидат мекунед. Мо аз ҷониби худ барои таҳкими минбаъдаи муносибатҳои дӯстонаи байни ҳар ду давлат ҳамаи чораҳои заруриро мебинем.
Мехоҳам дар ин рӯзи фараҳбахш ба Шумо, муҳтарам Нурсултон Абишевич, тансиҳатии бардавом, саодати рӯзгор, умри дароз, дастовардҳои навро дар рушди Қазоқистони бародар ва муваффақиятҳои минбаъдаро дар фаъолияти серсоҳаи Шумо орзу намоям”.
Баёни ақида (0) Санаи нашр: 29.04.2015 №: 87 Мутолиа карданд: 1420
