энергетика
СИМЧӮБҲОРО КӢ ИВАЗ МЕКУНАД?
Мақолаи «Симчӯбҳоро кӣ иваз мекунад?» («Ҷумҳурият», 6 майи соли 2015) дар байни кормандони шабакаҳои барқии ноҳияи Восеъ мавриди баррасӣ қарор гирифт.
Хатҳои интиқоли барқи ҳудуди деҳоти ба номи М. Вайсов солҳои 60 – ум бунёд ёфта, соли 1985 пурра иваз шудаанд. Новобаста аз ин, дар баъзе қитъаҳо пояҳо ва хатҳои ҳавоии интиқоли барқ ба таъмиру таҷдид ниёз доранд, ки ин амал мувофиқи имконоти молиявии системаи энергетикии кишвар иҷро мегардад. Аз ҷумла, дар ду соли охир аз тарафи ҶСК «Шабакаҳои барқи Кӯлоб» дар ноҳияи Восеъ 610 адад пояҳои оҳану бетонӣ, 25 трансформаторҳои қуввагӣ, ба масофаи 20 километр хатҳои барқии 0,4 – 10 кВ иваз шуданд. Дар чандин деҳоти навбунёди ноҳия хатҳои интиқоли барқ кашида, 30 адад трансформаторҳои иловагӣ насб гаштанд.
Ивази таҷҳизоти барқӣ дар дурнамои шабакаҳои барқӣ ворид шудаанд ва зина ба зина амалӣ мегарданд.
Д. ХОЛОВ,
директори ҶСК
«Шабакаҳои барқи Кӯлоб»
Баёни ақида (0) Санаи нашр: 2.06.2015 №: 113 Мутолиа карданд: 14144
