мулоқотҳо
Вохӯрии Эмомалӣ Раҳмон
бо Шигео Катсу
8 май Президенти Ҷумҳурии Тоҷикистон Эмомалӣ Раҳмон ноиби президенти Бонки ҷаҳонӣ Шигео Катсуро ба ҳузур пазируфт.
Дар мулоқот масоили ҳамкории гуногунҷанбаи Тоҷикистон бо ин муассисаи бонуфузи байналмилалии молиявӣ баррасӣ шуд.
Гуфтугӯи судманд атрофи нишондодҳои рушди макроиқтисодии кишвар, андешидани тадбирҳои муассир баҳри коҳиш додани таъсири бӯҳрони ҷаҳонии молиявию иқтисодӣ, дастгирии буҷети давлатӣ ва бонкҳои саҳомӣ, мусоидат ба инкишофи соҳибкории хусусӣ, ҳаллу фасли қарзҳои хоҷагиҳои пахтакор ва ҳамчунин оид ба истифодаи захираҳои гидроэнергетикии Тоҷикистон ва аҳамияти минтақавии он сурат гирифт.
Сардори давлат Эмомалӣ Раҳмон ба роҳбарияти Бонки ҷаҳонӣ барои ҷудо намудани 20 миллион доллари ИМА грант баҳри дастгирии буҷети давлатии Тоҷикистон ва 14 миллион доллари дигар барои паст кардани таъсири бӯҳрони ҷаҳонии озуқаворӣ арзи сипос кард.
Шигео Катсу изҳор дошт, ки бо назардошти пайдо шудани сарчашмаҳои нави молиявӣ Бонки ҷаҳонӣ ва дигар муассисаҳои мададрасон метавонанд грантҳои иловагӣ барои дастгирии иқтисодиёту иҷтимоиёти Тоҷикистон дар давраи бӯҳрони ҷаҳонии молиявию иқтисодӣ ҷудо намоянд.
Зимни сӯҳбат ҷонибҳо ҳавасмандии худро ба таҳкиму густариши минбаъдаи ҳамкориҳо таъкид намуданд.
Баёни ақида (0) Санаи нашр: №: Мутолиа карданд: 1992
