барқияҳо
БАРҚИЯИ ШОДБОШ БА АЛЕКСАНДР ЛУКАШЕНКО
12 октябр Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Беларус Александр Лукашенко барқияи шодбош ирсол дошт, ки дар он, аз ҷумла, омадааст:
«Муҳтарам Александр Григоревич,
Шуморо бо пирӯзии боэътимод дар интихоботи Президенти Ҷумҳурии Беларус самимона ва сидқан шодбош мегӯям.
Мо ин хабарро бо шодмонии хоса дарёфтем. Такроран интихоб шудани Шумо далели равшани боварии олист, ки ба роҳбарӣ ва хати машйи Шумо дар роҳи шукуфоии кишвар, беҳсозии некуаҳволии мардум ва болобарии бемайлони обрӯи давлати Беларус дар арсаи ҷаҳон зоҳир мегардад.
Тоҷикистон ба муносибатҳои зичи мушорикат бо Ҷумҳурии Беларус, ки ҷавобгӯӣ манофеи миллии ҳарду давлатанд, баҳои баланд медиҳад. Бовар дорам, ки ҳамкории бисёрҷонибаи Тоҷикистону Беларус дар заминаи принсипҳои эҳтироми якдигар ва дарназардошти манофеи дуҷониба рушду густариши тоза меёбад.
Бо истифода аз фурсат омодагии моро дар роҳи якҷоя бо Шумо ба харҷ додани саъю кӯшишҳои зиёд барои рушду густариши минбаъдаи ҳамкории мутақобилан судманди миёни Ҷумҳурии Тоҷикистон ва Ҷумҳурии Беларус иброз медорам.
Ба Шумо, муҳтарам Александр Григоревич, аз самими қалб сиҳатии бардавом, умри дароз ва дар фаъолияти серсоҳаатон муваффақиятҳои нав орзу дорам».
Баёни ақида (0) Санаи нашр: 13.10.2015 №: 204 Мутолиа карданд: 7774
