номаҳо
ИЗҲОРИ СИПОС
Дар шароити кунунии рушди ҷомеаи башарӣ, ки раванди ҷаҳонишавӣ фарогири тамоми паҳлуҳои ҳаёти халқу миллатҳои олам гардидааст, масъалаи ҳифзи ҳуқуқу озодиҳои инсон ва шаҳрванд моҳият ва мазмуни тоза касб намуда, ба яке аз проблемаҳои мураккабу гуногунҷабҳаи глобалии ҷаҳони муосир табдил ёфтааст.
Бо назардошти вазъи доимо тағйирёбанда ва пуртазоди ҷаҳони муосир ҳар як кишвари олам бо истифода аз суннатҳои давлатдории миллӣ ва арзишҳои волои ҳуқуқии умумибашарӣ дар ҷараёни ҳаллу фасли ин проблемаҳо саҳм мегузорад.
Ҷумҳурии Тоҷикистон ҳамчун субъекти комилҳуқуқи ҷомеаи ҷаҳонӣ ва ҳуқуқи байналмилалӣ аз равандҳо ва тамоюлоти замони муосир дар канор буда наметавонад. Аз ин ҷост, ки ҳанӯз дар нахустин рӯзҳои Истиқлолияти давлатӣ волоияти қонун, таъмини ҳифзи ҳуқуқу озодиҳои инсон ва шаҳрванд ба ҳайси яке аз арзишҳои олии давлатдории тоҷикон эътироф гардида, масъулияти таъмини иҷрои бечунучарои ин вазифаи бағоят муҳим бар души тамоми сохторҳо, мақомоти давлатӣ ва ниҳодҳои иҷтимоӣ вогузор карда шуд. Саҳми Вазорати корҳои дохили Ҷумҳурии Тоҷикистон дар ин самт бениҳоят бузург аст.
Барои кумаку дастгири беғаразона дар рафти фаъолияти кориашон баҳри ҳал намудани мушкилоти шаҳрвандон ва таъмини ҳаёти осоиштаи шаҳрвандон ба сардори ШВКД шаҳри Ҳисор полковники милитсия Шарифзода Ҷамшед Карим ва ваколатдори калони оперативи ШМД шаҳраки Шарора ШВКД дар шаҳри Ҳисор капитани милитсия Қобилов Раҳимҷон Умарович аз самими дил изҳори миннатдорӣ менамоем.
Ҳамроҳ ҲАМРОЕВ, Ҳайдар АЮБОВ, шаҳри Ҳисор
Баёни ақида (0) Санаи нашр: 11.07.2016 №: 134 Мутолиа карданд: 11241
