порлумон
ЛОИҲАҲОИ ҚОНУНҲО БАРРАСӢ ГАРДИДАНД
16 август таҳти раёсати Шукурҷон Зуҳуров, ҷаласаи Шӯрои Маҷлиси намояндагони Маҷлиси Олӣ баргузор шуд.
Дар он лоиҳаи як қатор қонунҳои Ҷумҳурии Тоҷикистон, аз ҷумла Кодекси тандурустии Ҷумҳурии Тоҷикистон, «Дар бораи мукофотҳои давлатӣ» ва «Дар бораи ҳимояи рақобат» мавриди баррасӣ қарор гирифтанд. Дар ҷаласа лоиҳаҳо оид ба ворид намудани тағйиру иловаҳо ба қонунҳои Ҷумҳурии Тоҷикистон «Дар бораи дигар пардохтҳои ҳатмӣ ба буҷет», «Дар бораи санадҳои меъёрии ҳуқуқӣ», «Дар бораи рамзҳои давлатии Ҷумҳурии Тоҷикистон», «Дар бораи иҷозатномадиҳӣ ба баъзе намудҳои фаъолият», «Дар бораи алоқаи почта», «Дар бораи намунаҳои саноатӣ», «Дар бораи ихтироъ», «Дар бораи бехатарии маҳсулоти хӯрокворӣ», «Дар бораи таҳсилоти миёнаи касбӣ», Кодекси гумруки Ҷумҳурии Тоҷикистон, ҳамчунин Созишнома байни Ҷумҳурии Тоҷикистон ва Амороти Муттаҳидаи Араб дар бораи супоридани маҳкумшудагон, Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Халқии Демократии Алҷазоир дар бораи ҳимоя ва ташвиқи мутақобилаи сармоягузорӣ, Созишномаи грантӣ байни Муассисаи давлатии «Маркази ҷумҳуриявии ҳимояи аҳолӣ аз бемории сил» (аз номи Ҷумҳурии Тоҷикистон) ва Хазинаи глобалӣ барои мубориза бо бемории пайдошудаи масунияти одам, бемории сил ва вараҷа дар доираи барномаи «Мубориза бар зидди бемории сил дар Тоҷикистон» ва Созишнома оид ба идома додани кори Маркази байналмилалии илмию техникӣ матраҳ шуданд.
Мунаввари САФАР, «Ҷумҳурият»
Баёни ақида (0) Санаи нашр: 17.08.2016 №: 165 Мутолиа карданд: 11498
