Моддаи 1. Ба Қонуни Ҷумҳурии Тоҷикистон аз 12 майи соли 2007 «Дар бораи рамзҳои давлатии Ҷумҳурии Тоҷикистон» (Ахбори Маҷлиси Олии Ҷумҳурии Тоҷикистон, с. 2007, № 5, мод. 362; с. 2009, № 9 - 10,  мод. 551; с. 2011, № 3, мод. 162, № 6, мод. 451) тағйиру иловаҳои зерин ворид карда шаванд: 

1. Аз матни моддаи 1 калимаи «(Сарқонуни)» хориҷ карда шавад. 

2. Дар моддаи 5: 

- аз сархатҳои якум ва чоруми қисми 1 калимаҳои «Шӯрои адлияи Ҷумҳурии Тоҷикистон,» ва «Раиси Шӯрои адлияи Ҷумҳурии Тоҷикистон,» хориҷ карда шаванд; 

- ба қисми 2 ҷумлаи дуюм бо мазмуни зерин илова карда шавад: 

«Шаҳрвандони Ҷумҳурии Тоҷикистон ҳуқуқ доранд бо арзи эҳтиром Парчами давлатиро истифода намоянд.»; 

- сархати сеюми қисми 4 дар таҳрири зерин ифода карда шавад: 

«- дар рӯзҳои ид ва ҳангоми баргузории чорабиниҳои тантанавӣ дар иншооту биноҳои маъмурӣ ва иҷтимоиву маишии давлативу хусусӣ, биноҳои истиқоматӣ, ҷойҳои истироҳати шаҳрвандон, боғҳо, хиёбонҳо, гулгаштҳо;». 

3. Аз сархатҳои якум, сеюм ва чоруми қисми 1 моддаи 8 калимаҳои «Шӯрои адлияи Ҷумҳурии Тоҷикистон,» ва «Раиси Шӯрои адлияи Ҷумҳурии Тоҷикистон,» хориҷ карда шаванд. 

Моддаи 2. Қонуни мазкур пас аз интишори расмӣ мавриди амал қарор дода шавад. 

 

 

 

Маҷлиси намояндагони Маҷлиси Олии Ҷумҳурии Тоҷикистон қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон» қабул карда шавад.

 

 

 

Маҷлиси миллии Маҷлиси Олии Ҷумҳурии Тоҷикистон Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон»-ро баррасӣ намуда, қарор мекунад:

Қонуни Ҷумҳурии Тоҷикистон «Оид ба ворид намудани тағйиру иловаҳо ба Қонуни Ҷумҳурии Тоҷикистон «Дар бораи рамзҳои давлатии Ҷумҳурии Тоҷикистон» ҷонибдорӣ карда шавад.