Ҷиҳати ислоҳи саривақтии камбудии сомонаи ноҳия дар самти илова намудани хабарҳо бо забонҳои русию англисӣ ва сархатҳои алоҳида барои маводҳо чанд нафар муваззаф шудаанд. Дар кӯтоҳтарин муҳлат дар ҳамкорӣ бо мутахассисони варзида, яъне тарроҳон (дизайнерон) барои ба талаботи имрӯза ҷавобгӯ намудани сомона чораҳои мушаххас андешида мешаванд.

Мақомоти иҷроияи маҳаллии ҳокимияти давлатии ноҳияи Темурмалик дар оянда низ аз тамоми имкониятҳо самаранок истифода карда, ҷиҳати боз ҳам фаъолтар намудани сомонаи ноҳия тадбирҳои заруриро роҳандозӣ менамояд.

 

 

Тавре маълум аст, соли ҷорӣ номи ноҳияи Ҷалолиддини Румӣ ба Ҷалолиддини Балхӣ тағйир дода шуд. Вобаста ба ин, қарори раиси ноҳия ҷиҳати аз нав кардани номи сомона ба имзо расид. Тибқи шартномаи мақомоти иҷроияи маҳаллии ҳокимияти давлатии ноҳия бо ширкати «Вавилон – Т» домени сомонаи ноҳия аз www.jaloliddinirumi.tj  ба  balkhi.tj тағйир дода шуда, 500 мегабайт барои ҷойгиршавии маълумот иловатан ҷудо шуд. Вале дар сомонаи nic.tj, ки бақайдгирандаи сомонаҳо дар Ҷумҳурии Тоҷикистон аст, сомонаи мақомоти иҷроияи маҳаллии ҳокимияти давлатии ноҳия ба қайд гирифта нашуд. Аз рӯйи маълумоти масъулони сомонаи nic.tj ба қайд нагирифтани сомона сабабҳои техникӣ дорад. Дар фурсати наздик идораи сомонаи nic.tj таҷҳизоти худро ба бинои нав гузаронда, ба бақайдгирии доменҳо оғоз мекунад.

Мақомоти иҷроияи маҳаллии ҳокимияти давлатии ноҳияи Ҷалолиддини Балхӣ масъаларо таҳти назорат қарор дода, дар ин самт тадбирҳои мушаххас меандешад. Аз натиҷаи иҷрои корҳо ва оғози фаъолияти сомона маълумот пешниҳод карда мешавад.