мулоқотҳо
МУЛОҚОТИ ЭМОМАЛӢ РАҲМОН БО МИЛАН ШТЕХ
2 декабр дар шаҳри Прага Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси Сенати Парлумони Ҷумҳурии Чехия Милан Штех мулоқот карданд.
Президенти мамлакат Эмомалӣ Раҳмон дар оғоз таъкид доштанд, ки густариши ҳамкориҳои гуногунҷониба, аз ҷумла рушди равобити ҳасана ва афзалиятноки иқтисодию тиҷоратӣ бо Ҷумҳурии Чехия яке аз самтҳои асосии ҳамкориҳои хориҷии Ҷумҳурии Тоҷикистон маҳсуб мешавад.
Таъкид гардид, ки боздидҳои расмии роҳбарияти олии Тоҷикистону Чехия аз кишварҳои ҳамдигар, музокироти дӯстонаву созандаи онҳо, инчунин санадҳое, ки дар ҷараёни ин боздидҳо ба имзо расиданд, барои рушди минбаъдаи муносибатҳо заминаи мустаҳкам гузоштанд.
Ҷонибҳо робитаҳои байнипарлумониро ҳамчун омили муассири рушди ҳамкориҳои фарогири кишварҳо арзёбӣ карданд. Бо назардошти рушди ҷомеа ворид кардани ислоҳот ба низоми меъёрии ҳуқуқӣ ва омӯзиши меъёрҳои пешрафтаи низоми парлумонӣ амри зарурӣ шумурда шуд.
Дар ҷараёни мулоқот, инчунин ҳамсуҳбатон ба масъалаи таъмини амну субот дар кишварҳои ҷангзада, бахусус Афғонистони ҳамсояи мо, барои бартараф кардани заминаҳои иҷтимоиву иқтисодии қазияи сиёсию низомии ин мамлакат андеша ронданд.
Баёни ақида (0) Санаи нашр: 5.12.2016 №: 238 Мутолиа карданд: 7390
