барқияҳо
НОМАИ ТАБРИКИИ ПИТЕР ТОМСОН
Ассамблеяи генералии Созмони Милали Муттаҳид 21 декабри соли ҷорӣ қатъномаи Даҳсолаи нави байналмилалии амал «Об барои рушди устувор 2018-2028» - ро, ки аз ҷониби Ҷумҳурии Тоҷикистон пешниҳод шуда буд, қабул намуд.
Дар робита ба ин, раиси Ассамблеяи генералии Созмони Милали Муттаҳид Питер Томсон ба унвони Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барқияи табрикӣ ирсол намуд, ки дар он омадааст:
«Бо камоли ифтихор мехостам Шумо ва мардуми Шуморо бо қабули муваффақонаи қатъномаи Даҳсолаи нави байналмилалии «Об барои рушди устувор 2018-2028», ки рӯзи 21 декабри соли 2016 дар Ассамблеяи генералии Созмони Милали Муттаҳид сурат гирифт, табрик намоям.
Боварии комил дорам, Даҳсолаи нав, ки ба масъалаҳои рушди устувор ва истифодаи ҳамгироёнаи захираҳои обӣ, аз ҷумла пешбарии ҳамкориҳо ва шарокат дар ҳама самтҳо таваҷҷуҳ дорад, метавонад ҷиҳати расидан ба ҳадафҳои байналмилалии тасдиқшудаи марбут ба об, бахусус он ҳадафҳое, ки дар Рӯзномаи рушди устувори 2030 инъикос шудаанд, мусоидат намояд.
Ҷаноби Олӣ, ин фурсатро ҷиҳати таҷдиди ғояти эҳтиром ғанимат шуморам».
Баёни ақида (0) Санаи нашр: 22.12.2016 №: 252 Мутолиа карданд: 6396
