барқияҳо
БАРҚИЯИ ТАСАЛЛИЯТ БА ВЛАДИМИР ПУТИН
25 декабр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Президенти Федератсияи Русия Владимир Путин барқияи тасаллият ирсол намуданд, ки дар он, аз ҷумла гуфта мешавад:
«Муҳтарам Владимир Владимирович,
Хабари фоҷиабори суқути ҳавопаймои ҳарбӣ - нақлиётиро дар акваторияи баҳри Сиёҳ, ки дар он хизматчиёни ҳарбии Русия, намояндагони гурӯҳҳои эҷодӣ ва воситаҳои ахбори омма қарор доштанд, бо андуҳи гарон дарёфтам.
Дар ин лаҳзаҳои ҳузнангез мо дар Тоҷикистон дарди ин талафоти вазнинро якҷо бо Шумо қисмат мекунем.
Хоҳишмандам тасаллияти амиқ ва ҳамдардии моро ба тамоми наздикону пайвандони ҳалокшудагон расонед».
Баёни ақида (0) Санаи нашр: 26.12.2016 №: 254 Мутолиа карданд: 6416
